SKITOUR BIREHUBEL 01.05.16

Ds Wätter isch füre Sunntig rägnerisch gmäudet gsi. Aber haut, i dä Bärge söus ja schneie.

Und wis de Schnee het gä. Wo mir am erste Maimorge vo däm Jahr ufe Gurnigelpass si cho, hets so fest gschneit, dass mir z Outo grad uf där Höchi hei la sta. Nid dass mer de no Schwirigkeite mit där Rückfahrt hätte.
​
So simer mit dä Schi gäg di unteri Gantrischhütte zoge und vo dert us uf Tour gstartet. Nachem Ufstig gäge d Bürgle hei mir äm Übergang zum Morgetepass nid ganz trouet. Mit 40 cm Neuschnee hez viu Neuschnee im Hang inne gha. So simer zum Gantrischseeli abgfahre und uf üse planet Hoger ufgstige. Entlang de verschneite Böim und äm schöne Bärgsee simer gäge Birehubel zoge und vo dert wider gäge d Hütte abgfahre.


Teilnehmer: Chrigu Schneider (Leiter),  Säm Rhyner